હેમચંદ્રાચાર્ય ઉત્તર ગુજરાત યુનિવર્સિટી (HNGU), પાટણ દ્વારા સંલગ્ન કોલેજોમાં શૈક્ષણિક અને બિન-શૈક્ષણિક સ્ટાફની 5900 થી વધુ જગ્યાઓ માટે મેગા ભરતીની જાહેરાત કરવામાં આવી છે. આ ભરતી પરીક્ષા વગર, સીધા ઇન્ટરવ્યૂના આધારે કરવામાં આવશે, જે ઉમેદવારો માટે કારકિર્દી બનાવવાની એક સુવર્ણ તક છે. આ ભરતી પ્રક્રિયા યુનિવર્સિટી સંલગ્ન ખાનગી સંસ્થાઓ, સામાન્ય કોલેજો અને ડિપ્લોમા કોલેજોમાં ખાલી પડેલી જગ્યાઓ માટે છે.
5900 જગ્યાઓ પર ભરતી કરાશે
જાહેરાત ક્રમાંક 15/2025 હેઠળ, નીચે મુજબના મુખ્ય પદો અને તેમની અંદાજિત જગ્યાઓની વિગતો આપવામાં આવી છે:
- પ્રિન્સિપાલ: 540 જગ્યાઓ
- આસિસ્ટન્ટ પ્રોફેસર: 4435 જગ્યાઓ
- લાઈબ્રેરીયન: 1581 જગ્યાઓ
- પી.ટી.આઈ.: 122 જગ્યાઓ
- ટ્યુટર: 1018 જગ્યાઓ
આ સિવાય અન્ય જગ્યાઓ મળીને કુલ 5900 થી વધુ જગ્યાઓ પર ભરતી કરવામાં આવશે.
ઇન્ટરવ્યૂની તારીખ, સમય અને સ્થળ
લાયકાત ધરાવતા અને રસ ધરાવતા ઉમેદવારો માટે વોક-ઇન-ઓપન ઇન્ટરવ્યૂનું આયોજન કરવામાં આવ્યું છે.
- ઇન્ટરવ્યૂની તારીખો: ૨૫ ઓગસ્ટ, ૨૦૨૫ (સોમવાર), ૨૬ ઓગસ્ટ, ૨૦૨૫ (મંગળવાર) અને ૨૮ ઓગસ્ટ, ૨૦૨૫ (ગુરુવાર).
- સમય: સવારે ૦૯:૦૦ કલાકે.
- સ્થળ: હેમચંદ્રાચાર્ય ઉત્તર ગુજરાત યુનિવર્સિટી કેમ્પસ, પાટણ.
ઉમેદવારો માટે જરૂરી સૂચનાઓ અને લાયકાત
શૈક્ષણિક લાયકાત: ઉમેદવારોએ સંબંધિત પદ માટે UGC, A.I.C.T.E., I.N.C. અને અન્ય સંબંધિત કાઉન્સિલના નિયમો મુજબની લાયકાત ધરાવતા હોવા જોઈએ. વિગતવાર માહિતી માટે યુનિવર્સિટીની સત્તાવાર વેબસાઇટ www.ngu.ac.in ની મુલાકાત લેવાની રહેશે.
જરૂરી ડોક્યુમેન્ટ: ઉમેદવારોએ ઇન્ટરવ્યૂ સમયે પોતાનો સંપૂર્ણ બાયોડેટા, જરૂરી પ્રમાણપત્રોની પ્રમાણિત નકલોની કુલ ત્રણ સેટ, પોતાના અસલ પ્રમાણપત્રો અને જો જરૂરી હોય તો એન.ઓ.સી. (NOC) સાથે સ્વખર્ચે હાજર રહેવાનું રહેશે. અરજી ફોર્મ યુનિવર્સિટીની વેબસાઇટ પરથી ઉપલબ્ધ થશે.
આ ભરતી વિશેની વધુ માહિતી માટે અહીં ક્લિક કરો.
