Gujarat Anganwadi Bharti: ગુજરાતમાં આંગણવાડીની 9000+ જગ્યાઓ માટે ભરતી, આજથી ઓનલાઈન ફોર્મ શરૂ

ગુજરાત સરકારના મહિલા અને બાળ વિકાસ વિભાગ દ્વારા રાજ્યભરમાં સંકલિત બાળ વિકાસ યોજના (ICDS) અંતર્ગત આંગણવાડી કેન્દ્રો માટે આંગણવાડી કાર્યકર અને તેડાગરની માનદ સેવા માટે મોટી ભરતીની જાહેરાત કરવામાં આવી છે. આ ભરતી અંતર્ગત સમગ્ર ગુજરાતમાં કુલ 9000 થી વધુ જગ્યાઓ ભરવામાં આવશે, જે રાજ્યની મહિલાઓ માટે નોકરીની એક ઉત્તમ તક છે.

આ ભરતી માટેની ઓનલાઈન અરજી પ્રક્રિયા તારીખ 08 ઓગસ્ટ, 2025 થી શરૂ થઈ ગઈ છે અને અરજી કરવાની છેલ્લી તારીખ 30 ઓગસ્ટ, 2025 રહેશે. રસ ધરાવતા અને લાયક ઉમેદવારોએ સરકારના e-HRMS પોર્ટલ પર જઈને અરજી કરવાની રહેશે. આ લેખમાં, અમે તમને ભરતી સંબંધિત તમામ મહત્વપૂર્ણ માહિતી જેવી કે જગ્યાઓ, શૈક્ષણિક લાયકાત, વય મર્યાદા, પગાર ધોરણ અને અરજી પ્રક્રિયા વિશે વિગતવાર જણાવીશું.

આંગણવાડી ભરતી માટે ઓનલાઈન ફોર્મ શરૂ

ગુજરાત આંગણવાડી ભરતી માટેના ઓનલાઈન અરજી ફોર્મ આજથી એટલે કે તારીખ 08/08/2025 થી સત્તાવાર વેબસાઈટ https://e-hrms.gujarat.gov.in પર શરૂ થઈ ગયા છે. ઉમેદવારોને સલાહ આપવામાં આવે છે કે અરજી કરતા પહેલા, ઓફીશીયલ પોર્ટલ પર જઈને પોતાના જિલ્લા અને તાલુકા મુજબની ખાલી જગ્યાઓની વિગતો તપાસી લેવી અને ત્યારબાદ જ અરજી કરવી.

Gujarat Anganwadi Bharti Details

Gujarat Anganwadi Vacancy જગ્યાઓ

સમગ્ર ગુજરાત રાજ્ય માટે જાહેર કરાયેલી જાહેરાત મુજબ, કુલ 9000 થી વધુ જગ્યાઓ પર ભરતી કરવામાં આવશે. જેનું વિવરણ નીચે મુજબ છે:

• આંગણવાડી કાર્યકર: 5000 જગ્યાઓ
• આંગણવાડી તેડાગર: 4000 થી વધુ જગ્યાઓ

Gujarat Anganwadi Qualification શૈક્ષણિક લાયકાત

આ ભરતી માટે અરજી કરવા ઇચ્છુક ઉમેદવારો માટે પોસ્ટ મુજબ નીચે મુજબની શૈક્ષણિક લાયકાત નક્કી કરવામાં આવી છે:

• આંગણવાડી કાર્યકર માટે: ઉમેદવારે ધોરણ 12 પાસ કરેલું હોવું જોઈએ અથવા ધોરણ 10 પાસ પછી AICTE માન્ય ઓછામાં ઓછો 2 વર્ષનો ડિપ્લોમા કોર્સ કરેલો હોવો જોઈએ.
• આંગણવાડી તેડાગર માટે: ઉમેદવારે ઓછામાં ઓછું ધોરણ 10 પાસ કરેલું હોવું જોઈએ.

Gujarat Anganwadi Age Limit ઉંમર મર્યાદા

અરજી કરવાની છેલ્લી તારીખના રોજ ઉમેદવારની ઉંમર નીચે મુજબ હોવી જોઈએ:

• સામાન્ય ઉમેદવારો માટે: 18 વર્ષ પૂર્ણ અને 33 વર્ષથી વધુ નહીં.
• અગ્રતા ધરાવતા તેડાગર (કાર્યકરની પોસ્ટ માટે): 43 વર્ષથી વધુ નહીં.

Gujarat Anganwadi Salary પગાર ધોરણ

પસંદગી પામેલા ઉમેદવારોને સરકારશ્રીના નિયમ મુજબ નીચે મુજબનું માસિક માનદવેતન ચૂકવવામાં આવશે:

• આંગણવાડી કાર્યકર: ₹10,000/-
• આંગણવાડી તેડાગર: ₹5,500/-
• મીની આંગણવાડી કાર્યકર: ₹10,000/-

Gujarat Anganwadi Selection Process પસંદગી પ્રક્રિયા

ઉમેદવારોની પસંદગી શૈક્ષણિક લાયકાત અને પ્રાપ્ત ગુણનાં ભારાંક અન્વયે તૈયાર થયેલ ઓનલાઈન મેરીટ યાદીના આધારે કરવામાં આવશે. આ પ્રક્રિયામાં કોઈ લેખિત પરીક્ષા લેવામાં આવશે નહીં. જોકે, જે આંગણવાડીમાં ભરતી હોય, તે જ આંગણવાડીમાં ફરજ બજાવતા તેડાગરને કાર્યકરની પસંદગીમાં નિયત શરતોને આધીન અગ્રતા આપવામાં આવશે.

Gujarat Anganwadi Important Dates અગત્યની તારીખો

આ ભરતી પ્રક્રિયાનું સંપૂર્ણ સમયપત્રક નીચે મુજબ છે, જે મુજબ આગળની કાર્યવાહી હાથ ધરવામાં આવશે:

Gujarat Anganwadi How to Apply ફોર્મ કઈ રીતે ભરવું?

ઉમેદવારોએ ફક્ત ઓનલાઈન માધ્યમથી અરજી કરવાની રહેશે. અરજી કરવા માટે નીચેના પગલાં અનુસરો:

1. સૌ પ્રથમ, સત્તાવાર વેબસાઇટ https://e-hrms.gujarat.gov.in પર જાઓ.
2. વેબસાઈટ પર આપેલ ભરતી સંબંધિત સૂચનાઓ અને નિયમો કાળજીપૂર્વક વાંચો.
3. તમારા જિલ્લા/તાલુકા મુજબ જે તે આંગણવાડી કેન્દ્ર પસંદ કરી, કાર્યકર કે તેડાગરની પોસ્ટ માટે અરજી કરો.
4. અરજી ફોર્મ અંગ્રેજીમાં ભરવાનું રહેશે.
5. તમામ જરૂરી શૈક્ષણિક લાયકાતના અને અન્ય ડોક્યુમેન્ટના અસલ પ્રમાણપત્રો સ્કેન કરી, સુવાચ્ય રીતે અપલોડ કરો.
6. ફોર્મ સબમિટ કરી, ભવિષ્યના સંદર્ભ માટે તેની પ્રિન્ટઆઉટ સાચવી રાખો.

ઉમેદવારોને સલાહ આપવામાં આવે છે કે તેઓ છેલ્લી તારીખની રાહ જોયા વિના વહેલી તકે ફોર્મ ભરી દે.

અગત્યની લિંક