SMC Teacher Bharti 2025 : સુરત મહાનગરપાલિકામાં આવી શિક્ષકોની સીધી ભરતી, અત્યારે જ ભરી દો ફોર્મ

SMC Teacher Bharti 2025 : સુરત મહાનગરપાલિકા (SMC) દ્વારા સંચાલિત સુમન માધ્યમિક શાળાઓ માટે શિક્ષકોની ભરતી માટે એક જાહેરાત બહાર પાડવામાં આવી છે. આ ભરતી સ્થાયી સમિતિના ઠરાવ મુજબ ૧૧ માસના કરાર આધારિત કરવામાં આવી રહી છે, જેનો મુખ્ય હેતુ ‘રાષ્ટ્રીય શિક્ષણ નીતિ, ૨૦૨૦’ અને ‘મિશન સ્કૂલ્સ ઓફ એકસેલન્સ’ ના લક્ષ્યોને પૂર્ણ કરવાનો છે. લાયકાત ધરાવતા ઉમેદવારો ઓનલાઈન ફોર્મ ભરી શકે છે.

આ ભરતી પ્રક્રિયા અંતર્ગત કુલ 52 જગ્યાઓ ભરવામાં આવશે તથા ભવિષ્ય માટે પ્રતિક્ષાયાદી પણ તૈયાર કરવામાં આવશે. રસ ધરાવતા અને લાયક ઉમેદવારો તારીખ ૧૧ ઓગસ્ટ, ૨૦૨૫ થી ૨૦ ઓગસ્ટ, ૨૦૨૫ સુધી સુરત મહાનગરપાલિકાની ઓફીશીયલ વેબસાઈટ પર જઈને ઓનલાઈન ફોર્મ ભરી શકે છે. પસંદગી પામેલ ઉમેદવારોને માસિક ફિક્સ ₹૨૪,૦૦૦/- વેતન ચૂકવવામાં આવશે.

SMC Teacher Bharti 2025 Details

SMC Teacher Bharti Vacancy જગ્યાઓ

સુરત મહાનગરપાલિકા દ્વારા કુલ 52 શિક્ષકોની ભરતી કરવામાં આવશે. આ જગ્યાઓ અલગ-અલગ માધ્યમ અને વિષયો માટે નીચે મુજબ છે:

• ગુજરાતી માધ્યમ:
  • ગણિત/વિજ્ઞાન: ૦૩
  • સમાજવિદ્યા: ૦૫
  • ગુજરાતી: ૦૩
• મરાઠી માધ્યમ:
  • ગણિત/વિજ્ઞાન: ૦૩
  • અંગ્રેજી/હિન્દી: ૦૨
• હિન્દી માધ્યમ:
  • ગણિત/વિજ્ઞાન: ૦૪
  • સમાજવિદ્યા: ૦૨
  • ગુજરાતી: ૦૧
  • સંસ્કૃત: ૦૧
  • અંગ્રેજી: ૦૧
  • કોમ્પ્યુટર: ૦૧
• ઉડીયા માધ્યમ:
  • સમાજવિદ્યા: ૦૧
  • અંગ્રેજી/હિન્દી: ૦૧
  • ગુજરાતી: ૦૧
  • ઉડીયા: ૦૧
• ઉર્દુ માધ્યમ:
  • ગણિત/વિજ્ઞાન: ૦૧
  • અંગ્રેજી/હિન્દી: ૦૧
• અંગ્રેજી માધ્યમ:
  • ગુજરાતી: ૦૨
  • સંસ્કૃત: ૦૨
  • કોમ્પ્યુટર: ૦૧
  • સમાજવિદ્યા: ૦૧

SMC Teacher Eligibility શૈક્ષણિક લાયકાત

• ઉમેદવારો રાજ્ય પરીક્ષા બોર્ડ દ્વારા લેવામાં આવતી દ્વિસ્તરીય TAT (માધ્યમિક) પરીક્ષામાં ઉત્તીર્ણ થયેલા હોવા જોઈએ.
• ભવિષ્યમાં રાજ્ય પરીક્ષા બોર્ડ દ્વારા લેવાનારી TAT (માધ્યમિક) પરીક્ષામાં ઉત્તીર્ણ થનાર ઉમેદવારો પણ પાત્ર ગણાશે.

SMC Teacher Bharti Age Limit ઉંમર મર્યાદા

• અરજી કરવાની તારીખે માધ્યમિક વિભાગ માટે ઉમેદવારની મહત્તમ વય મર્યાદા ૪૦ વર્ષની રહેશે.

SMC Teacher Salary પગાર ધોરણ

• પસંદગી પામેલા ઉમેદવારોને માસિક ફિક્સ ₹ ૨૪,૦૦૦/- માનદ વેતન ચૂકવવામાં આવશે.
• આ સિવાય અન્ય કોઈ પણ પ્રકારના ભથ્થા કે નાણાંકીય લાભ ચૂકવવામાં આવશે નહીં.
• કરારનો સમયગાળો ૧૧ માસનો રહેશે, જે પૂર્ણ થતાં કરાર આપોઆપ રદ થયેલો ગણાશે.

SMC Teacher Selection Process પસંદગી પ્રક્રિયા

• મેરિટ લિસ્ટ રાજ્ય પરીક્ષા બોર્ડ દ્વારા TAT (માધ્યમિક) પરીક્ષાના પ્રસિદ્ધ થયેલા પરિણામના મેરિટ લિસ્ટના આધારે તૈયાર કરવામાં આવશે.
• ઉમેદવારોને ડોક્યુમેન્ટ વેરિફિકેશન અથવા વોક-ઇન-ઇન્ટરવ્યૂ માટે નિયત સ્થળે સ્વખર્ચે હાજર રહેવાનું રહેશે.

SMC Recruitment Important Dates અગત્યની તારીખો

• ઓનલાઈન ફોર્મ ભરવાની શરૂઆતની તારીખ: ૧૧/૦૮/૨૦૨૫ (સવારે ૧૧:૦૦ કલાક)
• ઓનલાઈન ફોર્મ ભરવાની છેલ્લી તારીખ: ૨૦/૦૮/૨૦૨૫ (રાત્રે ૧૧:૦૦ કલાક)

સુરત મહાનગરપાલિકા શિક્ષક ભરતીમાં ફોર્મ કઈ રીતે ભરવું?

ઉમેદવારોએ સુરત મહાનગરપાલિકાની અધિકૃત વેબસાઈટ www.suratmunicipal.gov.in પર ઓનલાઈન અરજી કરવાની રહેશે. અરજી કરવાની પ્રક્રિયા નીચે મુજબ છે:

1. યુઝર રજીસ્ટ્રેશન: જો તમે પહેલાં રજીસ્ટ્રેશન ન કર્યું હોય, તો તમારું ઈ-મેઈલ એડ્રેસ અને મોબાઈલ નંબર દાખલ કરીને નવું યુઝર રજીસ્ટ્રેશન કરો. તમારા મોબાઈલ પર આવેલ OTP દાખલ કરી તેને વેરિફાય કરો.
2. લોગિન: તમારા રજિસ્ટર્ડ ઈ-મેઈલ/મોબાઈલ નંબર અને પાસવર્ડ વડે લોગિન કરો.
3. પ્રોફાઈલ બનાવો: તમારી વ્યક્તિગત વિગતો જેવી કે નામ, સરનામું, જન્મ તારીખ વગેરે શૈક્ષણિક પુરાવા મુજબ ભરો.
4. અરજી કરો: હોમ પેજ પરથી જે કેડરમાં અરજી કરવા માંગતા હોય તેની સામે ‘Apply Now’ પર ક્લિક કરો.
5. એપ્લિકેશન ફોર્મ ભરો: ફોર્મમાં માંગેલી તમામ જરૂરી વિગતો જેવી કે શૈક્ષણિક લાયકાત, અનુભવ વગેરે કાળજીપૂર્વક ભરો.
6. ફોટો અને સહી અપલોડ કરો: તમારો પાસપોર્ટ સાઇઝનો ફોટો (મહત્તમ 150 KB) અને સહી (મહત્તમ 50 KB) સ્કેન કરીને JPG/JPEG અથવા PNG ફોર્મેટમાં અપલોડ કરો.
7. અરજી કન્ફર્મ કરો: ફોર્મનું પ્રિવ્યુ જોઈ, બધી વિગતો ચકાસીને ‘Confirm’ બટન પર ક્લિક કરો. એકવાર અરજી કન્ફર્મ થઈ ગયા પછી તેમાં કોઈ સુધારો કરી શકાશે નહીં.

ઉમેદવારોને સલાહ આપવામાં આવે છે કે તેઓ છેલ્લી તારીખની રાહ જોયા વિના વહેલી તકે ફોર્મ ભરી દે.

SMC Teacher Bharti Important Links